بالفيديوعربي

شيرين تبكي على الهواء.. “أنا تعبانة”

دخلت الفنانة المصرية شيرين عبد الوهاب، في نوبة بكاء علي الهواء، خلال سرد زوجها الفنان حسام حبيب تفاصيل الفيديو المسرب، الذي تسبب في أزمة خلال الأيام الماضية . 

وعلقت شيرين، خلال مداخلة هاتفية لها مع الإعلامي المصري عمرو أديب في برنامج ” الحكاية ” المذاع عبر فضائية ” إم بي سي مصر”، قائلة:  “أنا تعبانة” أنا بحاول أمشي جوه الحيط مش بره الحيط،  وقت ما موضوع الاتهامات الغريبة كنت في أمريكا كان عندى مشكلة، والحمد الله، وليا 27 سنة تعبت فيهم جدا بتأذي نفسيا عشان أنا شخص حساس، وهناك ناس كتير جدا وقفت جنبي”.

فيما علق حبيب على التسجيل الصوتى لوالده ضده وزوجته الفنانة شيرين عبد الوهاب: “الحمد الله عندى ثقة فى مراتى وعلاقتها بيا دى مش بتاعة أى حد، وفى حد عاوز يهد شيرين، هم أشخاص كانوا بيشتغلوا معاها فى الوسط وحصل مشاكل وأصبح الناس دى مش موجودة، واكتشفت إن التفاصيل البسيطة اللى بتخرج برة البيت هى دى بقى المصيبة الكبيرة، والموضوع بقى أكبر من حسام وشيرين”، مضيفا: “لو شيرين فاتحة محل فول وتعرضت لأزمة هسيب فني وهنزل أقف معاها فى المحل”.

وأضاف حبيب، خلال المداخلة نفسها: “المذيعة دى بتعمل عمل استقصائى ويخترق حياة الراجل، وحضرتك تسمى هذا العمل الاستقصائى ومين الشخص مش هرد، ده مصدرى، والقاضى لو سألنى هقوله كده.. واتهمت الإعلامية 12 مليون فلورز إنهم ربورتر ودى شبكة تجسس بتخترق شخصيات مهمة، وكانت بتكلم والدى لمدة 6 شهور، ولكن الخطورة إنها بتسأل فى خصوصية”. 

وتابع: “يوم انتشار التسجيل شيرين صحتنى من النوم بتقولى الحق والدك، بقولها ماله توفى ولا إيه، قالت لى لا فى تسريب ليه، والبنت اللى كلمت والدك بعتتلى قبل النشر على الفيس والوتس آب وسمعتنى جزء أوحش من اللى اتذاع، وقالت إن لسه عندى فيديوهات كتير منزلتهاش”، مضيفا: “محدش يقدر يستفزنى، والبنت دى هددتنى لو مدفعتش ليها 2 مليون جنيه هتذيع التسريب، قولت ليها تعالى خدى 2 مليون جنيه ونزليه”. 

وأوضح حبيب: “آخر ألبوم ليا 2016 والغناء واخده هواية ولا بدخل فى عمل شيرين وأنا شغلى لوحده، ووجودى مع شيرين فى شغلها شرف كبير، وأنا بحب الست دى من قبل مانتجوز”.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى